Մենք արդեն ստացել ենք ջրծաղիկի դեմ պատվաստանյութերի երկրորդ խմբաքանակը, իսկ պատվաստումը կսկսենք փետրվարին։ Այս մասին հունվարի 30-ին լրագրողների հետ զրույցում ասել է ՀՀ առողջապահության նախարար Անահիտ Ավանեսյանը։ Հարցին, թե ճիշտ է, որ առողջապահության նախարարությունն ուշադրությամբ ուսումնասիրում է նոյեմբերին ստացված պատվաստանյութերի առաջին խմբաքանակը, քանի որ այն փչացել է սառցե շղթան չպահպանելու պատճառով, նախարարը հորդորել է անհիմն հայտարարություններ չանել։ Նա ավելացրել է, որ արդեն անդրադարձել է այս թեմային։ Առողջապահության նախարարությունը, նրա խոսքով, մշտապես իրականացնում է Հայաստան մատակարարվող պատվաստանյութերի մանրակրկիտ ուսումնասիրություն, այդ թվում՝ սառցե շղթայի եւ այլ տեխնիկական պահանջների համապատասխանության առումով։ «Պատվաստանյութի վերաբերյալ նման չհիմնավորված պնդումները վնասում են մեր իմունիզացիայի ծրագրին»,- ասել է նա: Նրա գնահատմամբ՝ վերջին տարիներին Հայաստանում ջրծաղիկի վտանգավոր բռնկումներ չեն գրանցվել։ «Միաժամանակ, ամեն տարի հիվանդության դեպքեր են լինում։ Մեր քաղաքականությունն է կանխել հիվանդության տարածումը պատվաստումների միջոցով։ Այս տարի մենք սկսելու ենք ջրծաղիկի դեմ պատվաստումը, եւ սա շատ կարեւոր ձեռքբերում է»,- նշել է նախարարը։ Հիշեցնենք, որ ավելի վաղ մամուլում տեղեկություններ էին տարածվել, որ Հայաստան մատակարարված ջրծաղիկի դեմ պատվաստանյութի
[...] 
