Աֆրիկայի Նամիբ անապատում գիտնականները հայտնաբերել են մի ժողովուրդ, որը համարվում էր անհետացած 50 տարի առաջ: Մարդաբաններն ի սկզբանե կարծում էին, որ համայնքը անհետացել է, երբ տարածաշրջանում խոսվող լեզուները վերացել են: Այնուամենայնիվ, փորձագետներն այժմ հասկանում են, որ այս խումբը պահպանել է իր գենետիկական ինքնությունը, երբ իրենց մայրենի լեզուն անհետացել է:
Հարավային Աֆրիկայի Նամիբ անապատում ապրող խմբերից մեկը՝ Կվեպեն, խոսում էր քվադի լեզվով:
«Քվադին մատմնազարկերի լեզու էր, որը շատ նմանություններ ուներ հո լեզուների հետ, որոնք խոսում էին ամբողջ Հարավային Աֆրիկայում հավաքչությամբ զբաղվողներն ու հովիվները», — ասում է հետազոտող Աննա-Մարի Ֆենը, հայտնում է SciTechDaily-ն:
Օգտագործելով ԴՆԹ հետազոտություն՝ մասնագետները հայտնաբերել են քվադիով խոսող մարդկանց ժառանգներին: Թիմը նաև հետևել է բանտու լեզվով խոսողներին և այլ խմբերի, որոնց լեզուները համարվում էին կորած:
Հետազոտական թիմում ընդգրկված էին Շվեյցարիայի Բեռնի համալսարանի, ինչպես նաև Պորտուգալիայի Պորտոյի համալսարանի և Գերմանիայի Մաքս Պլանկի էվոլյուցիոն մարդաբանության ինստիտուտի գիտնականներ: Հետազոտողների կարծիքով, քվադի լեցվով խոսողների հետնորդները ունեն ընդհանուր ծագում, որը հանդիպում է միայն Նամիբ անապատի խմբերում։
«Նախկին հետազոտությունները ցույց են տվել, որ Կալահարի անապատի հավաքչությամբ զբաղվողները սերում են նախնիների պոպուլյացիայից, որն առաջինն է բաժանվել ներկայումս ապրող բոլոր մյուս մարդկանցից: «Մեր արդյունքները վերջերս նույնականացված տոհմը հետևողականորեն հատկացնում են նույն նախնիների տոհմին, սակայն ենթադրում են, որ Նամիբին առնչվող տոհմը տարբերվում էր հարավաֆրիկյան մյուս բոլոր տոհմերից, ինչին հաջորդել է հյուսիսային և հարավային Կալահարիի տոհմերի բաժանումը», — ասում է հետազոտող Մարկ Սթոունինգը:
Գիտնականների կարծիքով, քվադի լեզվով խոսող մարդիկ սկսել են խոսել բանտու լեզուներով միայն վերջերս:
