Հայտնի է դարձել արգենտինացի հարձակվող Լիոնել Մեսսիին երկու շաբաթով մարզումներից հեռացնելու «Պարի Սեն Ժերմեն»-ի ղեկավարության որոշման մասին։ Այս մասին հայտնում է RMC Sport-ը։
Ըստ հրապարակման՝ այս կերպ ակումբը ցանկանում է պատժել հարձակվողին Սաուդյան Արաբիա մեկնելու համար։ Մարզիկը մեկնումը չի համաձայնեցրել թիմի գլխավոր մարզիչ Քրիստոֆ Գալտիեի ու ֆուտբոլային խորհրդական Լուիս Կամպոսի հետ։ Նշվում է, որ այս ընթացքում արգենտինացուն աշխատավարձ չի վճարվի։
Մայիսի 1-ին ՊՍԺ-ից Մեսսիի հեռանալու մասին լուրերի ֆոնին հայտնի դարձավ, որ հարձակվողը թռել է Սաուդյան Արաբիա։ Նշվում է, որ ֆուտբոլիստն այնտեղ է ժամանել որպես արաբական երկրում զբոսաշրջության դեսպան։
