Իրանի նախագահ Մասուդ Փեզեշքիանը կարճատև այցով Հայաստան կժամանի ուրբաթ՝ հոկտեմբերի 16-ին: Այս մասին հայտնել է Իրանի ԱԳՆ պաշտոնական ներկայացուցիչ Էսմայիլ Բաղային:

Իրանի նախագահը կմասնակցի ՄԱԿ-ի Կենսաբանական բազմազանության մասին կոնվենցիայի Կողմերի 17-րդ համաժողովին (CBD COP17):

Բաղային հստակեցրել է, որ գագաթնաժողովի շրջանակներում նախատեսված են նաև բանակցություններ և մտքերի փոխանակում մի շարք երկրների ղեկավարների հետ, որոնք նույնպես մասնակցելու են դրան:

Բաղային ընդգծել է, որ Իրանն առաջիններից մեկն է ստորագրել կոնվենցիան և դրան պաշտոնապես միացել 1996 թվականին: Վերջին երեք տասնամյակների ընթացքում Իրանի Իսլամական Հանրապետությունը կարևոր դեր է խաղացել կենսաբազմազանության և շրջակա միջավայրի պահպանության հետ կապված մեխանիզմների և կանոնների մշակման գործում: