«Մայիսյան հաղթանակներով ոգեշնչված՝ մենք կրկին կապրենք ազգային վերելքներ»․ Սասուն Միքայելյան
Մայիսի 8-ը Երկրապահի օրն է: ՀՀ ԵԿՄ վարչության նախագահ Սասուն Միքայելյանն ուղերձ է հղել. «Սիրելի՛ երկրապահներ, կամավորականներ, ազատամարտիկներ, զինակից ընկերներ, հերոսածին մայրեր, քույրեր։
Շնորհավորում եմ Երկրապահի օրվա առթիվ։
Տոնդ շնորհավո՛ր, երկրապահ:
Տոնդ շնորհավո՛ր, Վազգեն Սարգսյան:
Նախորդ դարավերջին հայ ժողովուրդը համախմբվեց մեկ ընդհանուր գաղափարի շուրջ և մենք ազգովի կերտեցինք մեր նորագույն պատմության փառահեղ էջը:
Սպարապետ Վազգեն Սարգսյանի գլխավորությամբ ձեւավորվեց Երկրապահ կամավորականների միություն այս հզոր կառույցը, որը դարձավ մեր բանակի հիմքը։ Երկրապահն ի սկզբանե եղել է մեր պետության և բանակի կողքին։
Երկրապահը միշտ սահմանում է, զինվորի կողքին:
Մենք՝ երկրապահներս, անցել ենք դժվարին ճանապարհներ, հաղթահարել բազում փորձություններ.
Սիրելի՛ պատանի երկրապահներ, դուք եք մեր ապագան կերտողները և ես հավատում եմ, որ մեր արժանի հետնորդները կդառնաք:
Երկրապահի օրվա և մայիսյան եռատոնի առթիվ շնորհավորում եմ մեր ժողովրդին:
Մայիսի 9-ը միասնությամբ, համախմբվածությամբ կերտած հաղթանակների օր է:
Գնահատենք մայիսյան տոների արժեքը, գնահատենք մեր նորանկախ պետականության համար պայքարած անհատներին, կամավորականներին, բանակին, գեներալից մինչեւ զինվոր:
Սիրելի՛ հայրենակիցներ, պատմականորեն, երբ համախմբվել ենք, տարել ենք հաղթանակներ, ուստի այսօր առավել քան կարևոր է մեր միասնությունը, համախմբվածությունը:
Մայիսյան հաղթանակներով ոգեշնչված մենք կրկին կապրենք ազգային վերելքներ:
Սիրելի՛ հայրենակիցներ, միասին պահենք ու հզորացնենք բազում փորձություններով և արհավիրքներով անցնող մեր հայրենիքը:
Հավերժ փա՛ռք Անկախության համար նահատակված քաջերին,
Հավերժ հիշատակ Սպարապետ Վազգեն Սարգսյանին,
Մեր խոնարհումը հերոսածին մայրերին,
Փա՛ռք երկրապահին, ազատամարտիկներին, մեր բանակին, զինվորներին,
Փա՛ռք մեր հայրենիքին,
Աստված պահապան մեր ազգին»:
«Մայիսյան հաղթանակներով ոգեշնչված՝ մենք կրկին կապրենք ազգային վերելքներ»․ Սասուն Միքայելյան
- Advertisement -
