Իտալիայի արտաքին գործերի նախարար Անտոնիո Տայանին կարծում է, որ Եվրամիությունը պետք է ստեղծի իր բանակը, որը կկարողանա կատարել իր դերը խաղաղության ապահովման և հակամարտությունների կանխման գործում, ասել է Տայանին իտալական La Stampa հրատարակությանը տված հարցազրույցում։
Իտալիայի արտաքին գործերի նախարարի խոսքով՝ պաշտպանության ոլորտում ԵՄ երկրների ավելի սերտ համագործակցությունը իր կուսակցության՝ Forza Italia-ի առաջնահերթությունն է։
«Եթե մենք ուզում ենք աշխարհում խաղաղապահներ լինել, մեզ անհրաժեշտ են եվրոպական զինված ուժեր։ Սա հիմնարար նախապայման է եվրոպական արդյունավետ արտաքին քաղաքականություն ունենալու համար։ Մի աշխարհում, որտեղ կան ուժեղ խաղացողներ, ինչպիսիք են ԱՄՆ-ը, Չինաստանը, Հնդկաստանը, Ռուսաստանը, ճգնաժամերով Մերձավոր Արևելքից մինչև Հնդկ-Խաղաղօվկիանոսյան տարածաշրջան, Իտալիայի, Գերմանիայի, Ֆրանսիայի կամ Սլովենիայի քաղաքացիները պաշտպանված կլինեն միայն այն ամենով, ինչն արդեն գոյություն ունի, այն է՝ Եվրամիություն»,- ասել է Թայանին։
Հիշեցնենք, որ Անտոնիո Տայանին «Forza Italia» կուսակցության առաջնորդը դարձավ նախկին վարչապետ Սիլվիո Բեռլուսկոնիի մահից հետո։
