ԱՄՆ Կոնգրեսի Ներկայացուցիչների պալատում Դեմոկրատական կուսակցության առաջնորդ է ընտրվել Նյու Յորք նահանգի ներկայացուցիչ Հաքիմ Ջեֆրիսը, ով այս պաշտոնում կփոխարինի 82-ամյա Նենսի Փելոսիին։ Այս մասին հայտնում է CNN-ը։
Հրատարակությունը նշում է, որ ներկուսակցական քվեարկությունն անցել է դռնփակ։
Հեռուստաալիքն ընդգծում է, որ Ջեֆրիսը դարձել է ԱՄՆ Կոնգրեսի պալատներից մեկում կուսակցական խմբակցության ղեկավարի պաշտոնում ընտրված առաջին սեւամորթը։ Հունվարին նա կստանձնի դեմոկրատների ղեկավարի պարտականությունները, որոնք միջանկյալ ընտրություններում կորցրել են իրենց մեծամասնությունը ԱՄՆ օրենսդիր մարմնի ստորին պալատում։
