Ֆրանսիայի առաջնորդ Էմանուել Մակրոնը Ուկրաինայում հատուկ ռազմական գործողություն սկսելու Ռուսաստանի որոշումը համեմատել է ՆԱՏՕ-ի համար ուժեղ էլեկտրաշոկի հետ։ Այդ մասին նա հայտարարել է Բրատիսլավայում GLOBSEC անվտանգության միջազգային համաժողովում։
Միջոցառմանը ելույթի ժամանակ նա ասել է, որ «Վլադիմիր Պուտինի որոշումը արթնացրել է դաշինքին հզոր էլեկտրաշոկով»։ Ֆրանսիայի նախագահը նաև կոչ է արել Արևմուտքին ակտիվանալ և «ամեն կերպ օգնել Ուկրաինային արդյունավետ հակահարձակում իրականացնելու հարցում»։
Ավելի վաղ Մակրոնն ընդգծել էր, որ Արեւմուտքը պետք է Ուկրաինային ներկայացնի անվտանգության շոշափելի եւ վստահելի երաշխիքներ։ Նա նշել էր, որ առաջիկա շաբաթներին այս հարցը կոլեկտիվ քննարկումների առարկա է դառնալու։
