Ուելսը, Շոտլանդիան և Հյուսիսային Իռլանդիան կարող են անջատվել Միացյալ Թագավորությունից, եթե Մեծ Բրիտանիան չդառնա այնպիսի պետություն, որտեղ երաշխավորված են քաղաքացիների սոցիալական իրավունքները, ասել է Ուելսի առաջին նախարար Մարկ Դրեյքֆորդը, հայտնում է The Guardian-ը։ Սոցիալական և քաղաքական կապերը, որոնք կապում են թագավորության տարբեր մասերը, հայտնվել են «անընդհատ հարձակման» տակ՝ 40 տարվա նեոլիբերալիզմի պատճառով, ասել է նա։
«Մեծ Բրիտանիան կարող է փլուզվել, եթե չվերականգնվի «համերաշխ միությունը», որտեղ յուրաքանչյուր քաղաքացու՝ հանրային ծառայությունների և ֆինանսական ապահովության իրավունքները կպաշտպանվեն», — բացատրել է Դրեյքֆորդը:
Ինչպես նշել է Ուելսի առաջին նախարարը, այս գործն ընկնում է բրիտանական ներկայիս կաբինետի ուսերին՝ վարչապետ Ռիշի Սունակի գլխավորությամբ։ Նա նաև ավելացրել է, որ իր բոլոր նախորդները, հատկապես Brexit-ից հետո, միայն վատթարացրել են երկրում սոցիալական աջակցության հետ կապված իրավիճակը։
«Մենք պետք է վերականգնենք անվտանգության ցանցը, որպեսզի բոլոր սուբյեկտները իմանան, որ Միացյալ Թագավորությունում անդամակցությունը իրավունք է տալիս օգտվել այն հավաքական անվտանգությունից, որն այն ներկայացնում է», — ասաց Դրեյքֆորդը
