ԱԱ․ Դավիթ Չալոյանը պարտություն կրեց

Ուզբեկստանի մայրաքաղաք Տաշքենդում անցկացվող բռնցքամարտի աշխարհի առաջնության մեկնարկում պարտություն կրեց աշխարհի փոխչեմպիոն Դավիթ Չալոյանը (92+ կգ)։ Հայաստանի ներկայացուցիչը 1/8 եզրափակիչում մենամարտեց չինացի Դանաբիեկե Բայկեվուզիի հետ, որը հաղթեց 5:0 հաշվով։

Հիշեցնենք, որ հաղթանակով է մեկնարկել Հայաստանի հավաքականի առաջատար Հովհաննես Բաչկովը (63,5 կգ)։

Տոկիոյի Օլիմպիական խաղերի բրոնզե մեդալակիր, Եվրոպայի եռակի չեմպիոն, աշխարհի առաջնության եռակի բրոնզե մեդալակիր Հովհաննես Բաչկովը 1/8 եզրափակիչում մենամարտեց Սերբիայի ներկայացուցիչ Ալեքսեյ Սենդրիկի հետ եւ հաղթեց միավորների առավելությամբ՝ դուրս գալով քառորդ եզրափակիչ: Բոլոր երեք ռաունդներում մրցավարներն առավելությունը տվեցին հայ բռնցքամարտիկին:

Բարեղամ Հարությունյանը (48 կգ) 1/16 եզրափակիչում 0:4 հաշվով պարտվեց կուբացի Ալեխանդրո Կլարոյին։

Ռուդոլֆ Գարբոյանը (51 կգ) 1/16 եզրափակիչում 1:4 հաշվով պարտվեց մրցելով Տայպեի ներկայացուցիչ Պո-Վեյ Տուին։

Հայաստանի հավաքականն աշխարհի առաջնությանը մասնակցում է 11 բռնցքամարտիկով։ Արթուր Ղազարյանը (60 կգ) եւ Համբարձում Հակոբյանը (80 կգ) նույնպես դուրս են մնացել պայքարից։

60 կգ քաշային կարգում Արթուր Ղազարյանը 1/8-րդ եզրափակիչում պարտվել է Զամբիայի ներկայացուցիչ Էնդրյու Չիլատային։ Ղազարյանը 1/16 եզրափակիչում նոկաուտով հաղթել էր Բուրունդին ներկայացնող Մուհամեդ Նտունգիեբոսեին:

Համբարձում Հակոբյանը (80 կգ) 1/16 եզրափակիչում պարտվել է Չինաստանի ներկայացուցիչ Տ. Կե Թուոհետաերբիեին:

Կարեն Աղամալյանի գլխավորած հավաքականից հաղթանակով է մեկնարկել նաեւ Եվրոպայի փոխչեմպիոն Ռաֆայել Հովհաննիսյանը: 86 կգ քաշայինների 1/16 եզրափակիչում Հովհաննիսյանը 4:1 հաշվով հաղթել էր Իսրայելի ներկայացուցիչ Յան Զաքին:

Ռինգ դուրս կգան նաեւ Ռուսլան Ասլիկյանը (54 կգ), Արթուր Բազեյանը (57 կգ), Գուրգեն Մադոյանը (67կգ), Նարեկ Մանասյանը (92 կգ)։

Related Articles

ОСТАВЬТЕ ОТВЕТ

Please enter your comment!
Please enter your name here

Stay Connected

3,912ЧитателиЧитать
0ПодписчикиПодписаться
- Advertisement -spot_img

Latest Articles